Jelini shýlatqan vıdeo: Alakóldegi sýdy zertteý maqsatynda arnaıy komıssııa quryldy
NUR-SULTAN. QazAqparat – Mamandar Alakólden alynǵan sýdy zerthanalyq zertteýden ótkizip jatyr. Bul týraly Ekologııa, geologııa jəne tabıǵı resýrstar mınıstrliginiń baspasóz hatshysy Samal Ibraeva málim etti, dep habarlaıdy QazAqparat tilshisi.
«Alakólge qubyr arqyly aǵyzylǵan jerden synama alynyp, zerthanalyq zertteý jasalýda. Jaqynda osy jaǵdaıǵa baılanysty Qazaqstan Respýblıkasynyń Ekologııa, geologııa jəne tabıǵı resýrstar mınıstrligi, Almaty oblysy əkimdigi jəne quqyq qorǵaý organdary mamandarynan turatyn arnaıy komıssııa quryldy», - dep jazady facebook paraqshasynda Samal Ybyraeva.
Komıssııa músheleri oqıǵa bolǵan jerge kelip, sýdyń kól jaǵasynda ornalasqan «Kóktem grand rezort» JShS balalar men eresekter basseıninen aǵyzylǵanyn anyqtaǵan.
«Búgingi kúni qonaqúı sý aǵyzýdy toqtatty. Ol jerde komıssııa jumys isteýde. Sý synamasyna zerthanalyq zertteý (bakterıologııalyq, vırýsologııalyq jəne parazıtologııalyq taldaý) jasalýda. Taıaýda nətıjesi shyǵarylady», - deıdi ol.
Mınıstrliktiń baspasóz hatshysy tergep-tekserýdiń sońynda kólge sý aǵyzǵan JShS-ǵa qatysty shara qabyldanatynyn málim etti.
Eske sala ketsek, Almaty oblysyndaǵy Alakól kóline qubyr arqyly laı sý tógilip jatqany buǵan deıin habarlanǵan bolatyn. Áleýmettik jelige taraǵan vıdeo halyqtyń narazalyǵyn týdyrǵan.
QR Ekologııa, geologııa jáne tabıǵı resýrstar mınıstri Maǵzum Myrzaǵalıev bul jaǵdaıǵa kináliler jazalanatynyn habarlady.
