Jelilerde Pýtınniń saılaýaldy rolıgi paıda boldy
ASTANA. 2 tamyz. QazAqparat - «Edınaıa Rossııa» partııasy Internet jelilerine Vladımır Pýtınniń qatysýymen saılaýaldy beınege uqsaıtyn beınerolık ornalastyrdy,
dep jazady «RBK daily».
Eki mınýttan sál asatyn kadrda Pýtınniń densaýlyq saqtaý, sport jáne ózge de salalardy damytýdyń mańyzdylyǵy týraly sózi kórinis tapqan. Sonymen birge kadrda «Naqty is - bizdiń kúshimiz»-den bastap «Biz jańa Reseıdi quramyz»-ǵa deıin alma-kezek urandar aýysyp turady.
Kadrdaǵy rolıkte «Naqty is - bizdiń kúshimiz», «Bizdiń jumysymyzdyń negizi - halyqqa kóńil bólý», «Sporttaǵy jeńis - ómirdegi jeńis», «Biz ataqqumarlyq pen bos ýádeden bas tartamyz», «Jeńiske birge jetemiz», «Biz jańa Reseıdi quramyz» syndy urandar baıandalady.
Rolıkte Pýtın nasıhattaýshy retinde kórinbese de, ondaǵy urandar saılaýaldy naýqanynyń basty baǵyttary bolýy múmkin.
