Jelige termınsymaqtardy ádeıi salady - Saýytbek Ábdiraxmanov
NUR-SULTAN. QazAqparat - QR Parlament Májilisiniń depýtaty Saýytbek Ábdiraxmanov áleýmettik jelilerge salynatyn keıbir termınsymaqtarǵa senbeýge shaqyrdy, dep xabarlaıdy QazAqparat tilshisi.
«Qazir áleýmettik jelilerde keleke qylatyn «qyltıma - balkon», «shaptyrma - fontan», «saryqısyq - banan», «bylqıma, sylqıma - dıvan, kreslo» degen sııaqty turpaıy termınsymaqtar termınkomda bekitilý turmaq, qaralǵan da emes, qaralý turmaq, ondaı usynys jasalǵan da emes. Termınniń mańynda júrgen adamdar ondaı arzan áńgimege barmaıdy. Sondyqtan bundaıdy áleýmettik jelige qazaq tilin mazaq etý úshin ádeıi salatyn arańdatýshylyq ekendigin biz bilip otyrýymyz kerek», - dedi S.Ábdiraxmanov.
Depýtattyń aıtýynsha, termınkomnyń uzaq jyldyq jumysy zor. 31 tomdyq termınologııalyq sózdik shyqty. Oǵan Memlekettik syılyq ta berildi. Árbir tomda 13-14 myń termın bar.
«Sonda tasqa basylyp, defınıtsııalanǵan termınderdiń ózi shamamen 400 myńnyń mańaıynda. Qazir de termınkomnyń jumysyna óte jaqsy tájirıbe endi. Ol - ár sózge túrik, ázerbaıjan, qyrǵyz, ózbek, túrikmen, aǵylshyn, frantsýz, ıspan tilderindegi balamalaryn qosyp berý. Solardy qarap otyrǵan kezde biz qyrǵyz aǵaıyndardyń, ózbek aǵaıyndardyń, túrikmen aǵaıyndardyń termınderinen áldeqaıda ǵylymı negizdi termınderdi jasaı alamyz», - dep atap kórsetti S.Ábdiraxmanov.
Aıta keteıik, búgingi jıynda professor Sherýbaı Qurmanbaıuly termınologııanyń ózekti máselelerin atap ótti. Osy oraıda ǵalym termınkomnyń quziretin kúsheıtý kerek dep sanaıdy.
Budan bólek, termınderdi tańdaǵanda basshylyqtyń bedeli basym bolyp ketedi.
Al Axmet Baıtursynov atyndaǵy Til bilimi ınstıtýtynyń dırektory, professor Erden Qajybek termınologııa sózdikterin shyǵarý josparlary týraly aıtty.
Asyǵys aýdarylǵan termınder de jarııalandy.
