Jelide zeınetaqy jınaǵynyń 50% kez kelgen maqsatta jumsaýǵa alyp beretin alaıaqtar kóbeıgen
ASTANA. QazAqparat - Jalǵan deldaldar zeınetaqy jınaqtarynyń 50% kez kelgen maqsatta jumsaýǵa alyp berýdi usynýda. Bul aqparat shyndyqqa sáıkes kelmeıdi, dep habarlaıdy QazAqparat BJZQ silteme jasap.
«Qor óz salymshylaryna alaıaqtardyń áleýmettik jelilerde jalǵan aqparat taratýynyń jıilep ketkenin eskertedi.Alaıaqtar ózderin zeınetaqy qorynyń qyzmetkerleri retinde tanystyrady. Kez kelgen aqyl-keńesti BJZQ bólimshelerinen nemese baılanys ortalyǵynyń 1418 nómirine tegin qońyraý shalyp qashyqtan alýǵa bolady», - delingen habarlamada.
