Jelide Vıktor Tsoı ánderiniń negizinde túsirilip, qashyqtyqty saqtaýǵa úndegen beınerolık shyqty
NUR-SULTAN. QazAqparat – «Ózińdi kút, abaı bol» beınerolıginiń avtorlary maska taǵý, áleýmettik qashyqtyqty ustaný, jaqynynyń densaýlyǵyna qamqor bolýǵa shaqyrdy.
Olar aty ańyzǵa aınalǵan Vıktor Tsoı ánderiniń negizinde turǵyndardy saqtyq sharalaryn qoldanýǵa shaqyryp otyr. Áleýmettik jelide rolık tez taralyp, paıdalanýshylar avtorlardyń bul ıdeıasyn jaqsy qabyldady, dep habarlaıdy QazAqparat.
Vıdeo QR Densaýlyq saqtaý mınıstri Alekseı Tsoıdiń maskany mindetti túrde taǵý jáne áleýmettik qashyqtyqty saqtaý úndeýinen bastalady. Odan keıin rolıkten medıtsınalyq qyzmetkerlerdiń koronavırýspen tikeleı kúres júrgizip otyrǵan emhanadaǵy kadrlardy kórýge bolady.
Budan basqa, rolıkte jaǵdaıdy turaqtandyrýǵa úlesin qosyp otyrǵan eriktiler, polıtseıler, sanıtarlardyń jumysy da kórsetilgen.
Ándi oryndaǵan - Petr Pogodaev, mátinin jazǵan – Dáýit Shaıhıslamov, Málik Hasenov, Alekseı Maklaı jáne Sanat Shapashov.
Osylaısha, rolıktiń avtorlary turǵyndardy ózderi, jaqyndaryna kútim jasap, maska taǵýǵa, qashyqtyqty ustanýǵa jáne abaı bolýǵa shaqyrdy.
Atlǵan vıdeony túrli pablıkter men áleýmettik jelilerde 2 mıllıon adam kórgen.
Avtor: Araılym Murat
