Jelide Túrkııada apatqa ushyraǵan kemeniń vıdeosy paıda boldy
ASTANA. QazAqparat - Túrkııada Antalııa qalasyna taıaý jerde týrıstik Kurt-C sýdnosy sýǵa batyp ketti.
Jergilikti BAQ-tardyń sońǵy málimetterinshe, 84 adam qutqarylǵan, 33-i jaraqattanǵan, olar aýrýhanaǵa jetkizildi, ekeýi iz-túzsiz joǵalǵan. RF elshiliginiń habarlaýynsha, zardap shekkender arasynda bir reseılik bar, onyń jaǵdaıy qalypty.
Aýa raıynyń qolaısyzdyǵana baılanysty kapıtan saıahatty toqtatyp portqa qaraı baǵyt alǵan. Jaǵalaýǵa nebári eki mıldeı qalǵanda kater bir jaǵyna aýyp, sýǵa bata bastaǵan. Ekıpaj jolaýshylarǵa qutqarý quraldaryn taratyp úlgerdi. Jaǵalaý kúzetine bolǵan jaǵdaı habarlanyp, shuǵyl qutqarý sharalary qolǵa alyndy.
