Jelide Sharyn shatqalyndaǵy seldiń vıdeosy paıda boldy

ALMATY. QazAqparat – Áleýmettik jelilerde Sharyn shatqalyndaǵy seldiń vıdeosy paıda boldy. Kýágerler túsirgen vıdeony óziniń YouTube kanalyna QR Tótenshe jaǵdaılar mınıstrliginiń resmı ókili Talǵat Ýálı jarııalady, dep habarlaıdy QazAqparat.

«Bıylǵy jyldyń 29 mamyry kúni saǵat 13:25-te Almaty oblysynyń Tótenshe jaǵdaılar mınıstrligine Almaty oblysy Uıǵyr aýdanynda Sharyn shatqalynyń eteginde batpaqty-sel júrgeni týraly habar tústi. Oqıǵanyń saldarynan 6 adam zardap shegip, 2 adam qaza tapty. Qaza tapqandardyń biri kámeletke tolmaǵan. 1 adam iz-túzsiz joǵaldy. Zardap shekkenderge jedel medıtsınalyq járdem kórsetildi. Joǵalǵan adamdy izdeý jumystary júrip jatyr»,-dep tolyqtyrdy QR Tótenshe jaǵdaı mınıstrliginiń resmı ókili Talǵat Ýálı.