Jelide polıtsııaǵa shabýyldaǵan er adamnyń vıdeosy qyzý talqylanyp jatyr
ALMATY. QazAqparat - Almatyda er adam polıtsııa qyzmetkerlerine kózdi ashytatyn burysh búrikkish qoldandy, dep habarlaıdy QazAqparat tilshisi.
«7 jeltoqsanda ýchaskelik polıtsııa ınspektorlary, sondaı-aq ıývenaldy polıtsııa ınspektorlary sot sheshimin oryndaý maqsatynda ishki ister organy qyzmetkerleri, sot oryndaýshysy jáne qorǵanshylyq jáne qamqorshylyq organynyń ókilimen birge 2016 jyly týǵan kámeletke tolmaǵan qyzdy 1994 jyly týǵan anasynyń úıine aparý maqsatynda barǵan. Osy kezde úıde balanyń 1954 jylǵy atasy bolǵan. Ol polıtsııa qyzmetkerlerine tap berip, jeke sot oryndaýshylaryna burysh búrikkishin qoldanǵan», - deıdi Naýryzbaı aýdandyq polıtsııa bóliminiń bastyǵy, polıtsııa podpolkovnıgi Dıdar Ahanov.
Almaty qalalyq Polıtsııa departamenti atalǵan er adam QR Qylmystyq kodeksiniń 380-baby, 1-bólimi boıynsha jaýapqa tartylǵanyn aıtty. Bul jaǵdaı boıynsha Almaty qalalyq Polıtsııa departamenti is júrgizedi.
