Jelide Nókistegi alapat shańdy daýyldyń vıdeosy paıda boldy
NUR-SULTAN. QazAqparat - Ózbekstan TJM jedel jasaqtary keshe keshqurym Qaraqalpaqstannyń astanasy Nókis qalasynda bolǵan shańdy daýyldyń zardaptaryn joıý jumystarymen aınalysyp jatyr, dep habarlaıdy QazAqparat.
Ózbekstan TJM derekterine qaraǵanda, 14 maýsymda jergilikti ýaqytpen 20.32-den 20.38 aralyǵynda soqqan shańdy daýyldyń jyldamdyǵy sekýndyna 23 metrge jetken.
Paıdalanýshylar qaladaǵy ǵımarattardyń shatyrlaryn ushyryp áketken tabıǵı apattyń fotolary men vıdeolaryn áleýmettiń jelige júkteýdi jalǵastyrýda.
«Jedel jasaq búgin de daýyl saldaryn joıý jumystaryn jalǵastyryp jatyr. Olar kóshelerdi úı jabyndylarynan, qulaǵan aǵashtardan, zaqymdalǵan mashınalardan tazartýda. Qaza tapqandar men zardap shekkender joq»,- dep málim etti TJM ókili.
