Jelide N.Nazarbaev týraly «Juldyzdar toǵysqanda» fılminiń treıleri jaryq kórdi - VIDEO
ASTANA. QazAqparat - Jelide N.Nazarbaev týraly «Juldyzdar toǵysqanda» fılminiń treıleri jarııalandy.
Aǵylshyn tilshisi Ult kóshbasshysy - N.Nazarbaevtan suhbat alý úshin Astanaǵa ushyp keledi. Memleket basshysy ony qonaq retinde qabyldaıdy. Suhbat Prezıdenttiń ómir, taǵdyr jáne táýelsizdik alǵannan keıingi qıyn kezeńder jaıly áńgimesi jelisinde órbıdi. Elbasy jazýshyny jergilikti salt-dástúrmen tanystyra otyryp, 1984 jyly onyń mınıstrler keńesiniń tóraǵasy bolyp taǵaıyndalǵannan bastap 1991 jyly Qazaqstan Respýblıkasynyń Prezıdenti bolǵanǵa deıingi ómirindegi kúrdeli kezeńder jaıly baıandaıdy.
Stsenarııdiń rejısseri men avtory - reseı kınematografısi Sergeı Snejkın. Sońǵy bólimde Nursultan Nazarbaevtyń rólin Berik Aıtjanov somdaıdy. Ótken bólimderde Prezıdenttiń rólinde Nurlan Álimjanov oınaǵan. Prezıdenttiń qyzynyń rólin aktrısa Qarlyǵash Muhamedjanova men Dınara Baqtybaeva somdaıdy.
Budan basqa kartınada: Hıý Freızer, Altynaı Nógerbek, Igor Ýgolnıkov, Sergeı Garmash, Darıa Moroz, Alekseı Gýskov, Aldabek Shalbaev, Azamat Satybaldy, Ǵanı Quljanov, Erkebulan Daıyrov, Janel Maqajanova, Rıchard Korderı jáne Stıven Peısı bar. Fılmniń túsirilimi Qazaqstan men Reseıde ótti.
