Jelide Italııadaǵy asa kúshti jer silkinisiniń kadrlary jarııalandy

ASTANA. QazAqparat - Jelide sársenbige qaraǵan túni Italııanyń ortalyq bóliginde oryn alǵan qýatty jer silkinisin kórgen adamdardyń vıdeo jazbasy shyqty.

Sońǵy derekterge sáıkes jer silkinisi saldarynan 73 adam qaza tapty. Taǵy júzden astam adam habar-osharsyz ketkender qatarynda. Budan basqa, 2,5 myńdaı adam apat aımaǵynan evakýatsııalandy. Qutqarýshylar jumysy jalǵasýda.

6,0 magnıtýdaly jer silkinisi  Apennın asýy aýmaǵynda oryn aldy. Jer asty dúmpýleri Perýdje, Rıetı, Norche qalalarynda da boldy. Kúndiz taǵy jer silkinisi tirkeldi. Onyń dúmpýi eldiń astanasy Rımde de sezildi.