Jelide Golovkın týraly jańa vıdeo paıda boldy
ASTANA. QazAqparat - Youtube-tegi Martin Gastanaga - Boxing arnasy WBA Super, WBC jáne IBO nusqalary boıynsha orta salmaq dárejesindegi álem chempıony qazaqstandyq Gennadıı Golovkınke (38-0-1, 34 KO) arnalǵan beınerolıkti jarııalady, dep habarlaıdy Sports.kz
Vıdeo «Gennadıı Golovkın: naǵyz chempıon» (True champ - aǵyl.) dep atalady.
Eske salaıyq, GGG 15 qyrkúıekte rıngke qaıta oralyp, Las-Vegastaǵy T-Mobile arenada meksıkalyq boksshy Saýl Alvarespen (49-1-2, 34 KO) kezdesetin bolady. Olardyń alǵashqy jekpe-jegi 2017 jylǵy 16 qyrkúıekte dál sol jerde shýmen aıaqtalyp, boksshylar rıngte teń túsken edi. Mamandar men jankúıerlerdiń basym kópshiligi tóreshilerdiń Golovkındi «tonap ketkenine» senimdi. Golovkın aldaǵy aıqasta qarsylasyn nokaýtqa túsirýge oqtalyp otyr, al «Kanelo» bolsa, bul joly alǵashqydan ózgeshe jekpe-jek kórsetemin dep ýáde berdi.
