Jelide Dondaǵy Rostovta Boeing ushaǵynyń qulaǵan sáti túsirilgen kadrlar paıda boldy
ASTANA. QazAqparat - Ǵalamtor jelisinde Dondaǵy Rostovta áýe kemesiniń qulaǵan sáti túsirilgen kadrlar paıda boldy. Aldyn shamalaý boıynsha, bul -búgin apatqa ushyraǵan Boeing jolaýshylar ushaǵy.
Vıdeodaǵy ushaq áýede kúrt tómendep, aǵashtardyń artynda kórinbeı qalǵan, odan keıin qatty jarylys bolyp, qulaǵan jerden tútin shyqty.
Dýbaıdan baǵyttap kele jatqan Boeing 738 jolaýshylar ushaǵy Dondaǵy Rostov qalasy áýejaıynyń ushý-qoný jolaǵynyń sol jaǵynda qulady. Aldyn ala málimetter boıynsha, qaıǵyly oqıǵa jergilikti ýaqyt boıynsha saǵat 3:40-ta oryn alǵan. Áýe kemesiniń bortynda 61 adam boldy (55 jolaýshy men ekıpajdyń 6 múshesi). Jolaýshylardyń arasynda tórt bala boldy, dep jazady RIA Novostı.
