Jelide dinı ekstremıstik materıaldar taratqan shymkenttik jaýapkershilikke tartyldy

ShYMKENT. QazAqparat - Shymkentte jeli arqyly dinı ekstremıstik baǵyttaǵy materıaldardy taratqan turǵyn jaýapkershilikke tartyldy, dep habarlaıdy QazAqparat tilshisi.

Instagram áleýmettik jelisinde tyıym salynǵan dinı aýdıo-vıdeo materıaldardy taratqan Shymkent qalasynyń 26 jastaǵy turǵynyna 153 150 teńge kóleminde aıyppul salyndy. Mamandandyrylǵan aýdanaralyq ákimshilik sotynyń qaýlysymen atalǵan azamat ÁQBtK-niń 490-babynyń 1-bóligimen ákimshilik jaýapkershilikke tartyldy.

«Atalǵan aýdıo jáne beınejazbalar dinı saraptamaǵa joldandy. Nátıjesinde bul materıaldardy Qazaqstan Respýblıkasynyń aýmaǵynda taratýǵa tyıym salynǵany naqtylandy», - delingen Shymkent qalasy polıtsııa departamentiniń baspasóz qyzmeti taratqan habarlamada.