Jelide avtobýstyń janarmaı beketin qıratyp, adam ólimine ushyratqan vıdeosy jarııalandy

ASTANA. QazAqparat - Daǵystanda avtobýs janarmaı beketin qıratyp, bir adam mert boldy. Oqys oqıǵanyń vıdeosy beınebaqylaý kameralaryna túsip qaldy, dep habarlaıdy QazAqparat.

Oqıǵa 8 jeltoqsan kúni Daǵystannyń Derbent aýdanynda bolǵan.

Aldyn ala aqparatqa qaraǵanda, avtobýs júrgizýshisi basqa avtomobılmen soqtyǵysýdan qashý maqsatynda kúrt solǵa burǵan. Alaıda rýlge ıe bola almaı, avtobýs janarmaı beketinde janarmaı quıyp turǵan «Gazeldi» soqqan. 

Jergilikti BAQ ókilderiniń habarlaýynsha, apat saldarynan fýrgon men janarmaı kolonkasynyń arasynda qalyp qoıǵan er adam kóz jumǵan.