Jelide Almatynyń ústin torlaǵan qoıý tútin týraly vıdeo talqylanýda
ALMATY. QazAqparat – Almaty turǵyndary qalanyń qoıý tútinin qus ushatyn bıikten vıdeoǵa túsirip aldy, dep habarlaıdy QazAqparat tilshisi.
Qoıý tútin vıdeosy jelide tarady.
«Kazgıdromet» RMK qalanyń atmsoferalyq aýasy sapasy týraly málimetterimen bólisti.
«2020 jyldyń 29 jeltoqsanynan 2021 jyldyń 4 qańtaryna deıin qalada aýanyń lastaný kórsetkishteriniń shekti normasy 1246 ret asqan. Ásirese Bostandyq aýdanynda, onyń ishinde Orbıta shaǵyn aýdanynda (Tuńǵysh prezıdent parki janynda) aýa óte las», - dedi baspasóz qyzmetinen.
Resmı málimetterge sáıkes, bul orta táýliktik lastaný kórsetkishi. Aýa sapasyn baqylaý Almatyda 16 post arqyly júzege asyrylady. Onyń ishinde 11 avtomattandyrylǵan post bar. Qalǵan 5 posta synama qolmen alynady.
Aýa kóbinese RM-2,5; RM-10; dıoksıd jáne azot oksıdimen lastanǵan.
