Jelide Almaty polıtsııasy bastyǵynyń orynbasary atynan jalǵan akkaýnttar kóbeıgen
ALMATY. QazAqparat - Almaty qalalyq Polıtsııa departamenti bastyǵynyń orynbasary Rýstam Ábdirahmanov áleýmettik jelide óziniń atynan jalǵan paraqshalardyń kóbeıgenin málimdedi, dep habarlaıdy QazAqparat tilshisi.
Polıtseı áleýmettik jelide, onyń ishinde Instagram-da onyń atynan jalǵan paraqshalardyń ashylǵany jáne profılge shynymen onyń akkaýntynan kóshirilgen foto, derekterdiń qoıylǵany týraly Facebook paraqshasyna jazdy.
«Bul óz kezeginde jalǵan paraqshany «shynaıy» etip kórsetedi. Osy faktilerdiń árqaısysy egjeı-tegjeıli zertteýdi qajet etedi. Bul - ýaqyt máselesi.
Men jelini paıdalanýshylar men jazýshylardy saq bolýǵa, kúmándi jarııalanymdarǵa senbeýge, tek osy akkaýntymdaǵy aqparatty basshylyqqa alýǵa, a qparattyq qaýipsizdik sharalaryn saqtaýǵa shaqyramyn», - dep jazdy Rýstam Abdrahmanov.
Eske salaıyq, sondaı-aq Rýstam Abdrahmanov buǵan deıin Almatyda ózin polıtsııa qyzmetkeri retinde tanystyratyn alaıaqtardyń kóbeıgenin aıtqan bolatyn.
