Jelide alǵash ret Kım Chen Ynnyń jeke ushaǵynyń ishki kórinisiniń fotosýreti kórsetildi
ASTANA. QazAqparat - Jelide alǵash ret KHDR basshysy Kım Chen Ynnyń jeke ushaǵynyń ishki kórinisiniń fotosýreti kórsetildi, dep habarlady The Daily Telegraph. Fotosýretter Soltústikkoreıalyq aqparat agenttiginiń (TsTAK) saıtynda jarııalandy. Olar bashatshynyń Phenıan ústinde avıalaınerde ushýlarynyń birinde túsirilgen, dep habarlady lenta.ru.
Sýretterde Kım Chen Yn ushaq bortynda qyzyl aǵashtan jasalǵan ústeldiń qasynda otyrǵany túsirilgen. Koreıa Eńbek partııasy OK birinshi hatshysy ıllıýmınatorǵa qarap otyr jáne baǵynyshtylarynyń birimen áńgimelesýde. The Daily Telegraph mátininde borttyń ásem bezendirilgeni aıtylǵan, CNN de osyndaı baǵa bergen.
Reporterler túsirgen sýrette bashatshynyń qus samǵaıtyn bıikten KHDR úshin mańyzdy ımıdjdik joba bolmaqshy jańa ǵylymı ortalyq qurylysyn sholýyna múmkindik beredi. Kım Chen Ynnyń pikirinshe, keshen qurylysy aıaqtalǵanda Phenıan «búkil álemniń qyzǵanyshyn týdyryp» túrlenedi.
Kım Chen Yn - soltústikkoreıalyq saıası, memlekettik, áskerı jáne partııa qaıratkeri, ol 2011 jyldan jetekshi memlekettik jáne partııalyq qyzmetter atqaryp keledi. KHDR-dyń negizin qalaýshy Kım Ir Senniń nemeresi jáne qazirgi álemdegi eń jas memleket basshysy (ártúrli derekterge qaraǵanda, ol 31 men 33 jastyń arasynda).
