Jeli juldyzdary: Astanada tártip buzyp vıdeoǵa túsip qalǵandar

ASTANA. QazAqparat – Astana qalasynyń polıtsııa departamenti jyldy qorytyndylap zańǵa qaıshy áreketteri beınebaqylaý kamerasyna jazylǵan tártip buzýshylardyń vıdeosyn jarııalady, dep habarlaıdy QazAqparat tilshisi.

Tártip saqshylary aýyr qylmystardyń mán-jaıyn anyqtap qana qoımaı, túrli oqıǵalarǵa tap bolyp, erekshe keıipkerlermen kezdesýge týra keledi.

Osy oraıda elorda polıtseıleri 2022 jyly bolǵan túrli jaǵdaılardyń beıne jazbasyn jınaqtady.

1. Áserli vıdeo úshin jas jigitter avtokóliktiń kapotynda trıýk jasap, ony áleýmettik jelige jarııalady. Barlyǵy jaýapqa tartyldy;

2.Astana qalasynyń JBO-nyń beınejazbasynda túngi prankerler avtokóliktiń júksalǵyshyna adamdy tıegen sáti Astana qalasy PD Jedel basqarý ortalyǵynyń beınebaqylaý kameralaryna túsip qalǵan;

3. 22 jastaǵy elorda turǵynynyń mas kúıinde jasaǵan saltosy jol-kólik oqıǵasymen aıaqtaldy. Jas jigit 7 kúnge qamaýǵa alyndy;

4.Aýyr zardaptarǵa ákelmegen joldaǵy keıbir qaqtyǵystar polıtseılerdiń júzinde kúlki uıalatady;

5. Erekshe urlyq sáti beınekameraǵa túsip qalǵan. Tártip saqshylary beınejazba bolmasa, er adamnyń bes qoıdyń tutas etin alyp júre alǵanyn dáleldeı almas edi.