Jelezın aýdany 300 jyldyq mereıtoıyn jańa jaǵalaýmen qarsy alady - Pavlodar oblysy
ASTANA. QazAqparat - Jelezın aýdany 300 jyldyq mereıtoıyn QR Táýelsizdiginiń 25 jyldyǵy qarsańynda salynǵan jańa jaǵalaýmen qarsy alady, dep habarlaıdy pavlodarnews.kz.
Jańa demalys ornyn qaraǵandylyq «Asar-KZ» fırma «Jumyspen qamtýdyń jol kartasy-2020» baǵdarlamasy boıynsha 34 mıllıon teńgege salǵan. Qaýipsizdikti qamtamasyz etý maqsatynda beınekameralar men 38 jaryqsham ornatylǵan.
"Kún jylyǵannan keıin sporttyq jáne balalar alańy, gúlzarlar paıda bolady", - deıdi aýdan ákiminiń orynbasary Qanat Qamalıdenov.
Álbette, jańa jaǵalaý turǵyndardyń súıikti ornyna aınalary sózsiz.
