Jeldiń ekpini sekýndyna 28 metrge deıin jetip, keı jerlerde tuman bolady - Qazgıdromet
ASTANA. KAZINFORM- Qazaqstannyń birqatar óńirinde kún raıyna baılanysty eskertý jarııalandy. Keı jerlerde shańdy daýyl soǵyp, tuman túsedi, kóktaıǵaq bolyp, úsik júredi. Jeldiń ekpini sekýndyna 28 metrge deıin jetýi múmkin. Birneshe oblysta órt shyǵý qaýpi tótenshe deńgeıde saqtalady, dep habarlaıdy Qazgıdromet.
Abaı, Shyǵys Qazaqstan oblystarynda túnde jaýyn-shashyn, negizinen qar jaýyp, kóktaıǵaq bolady. Keı jerlerde tuman túsip, jeldiń ekpini sekýndyna 15–20 metrge deıin jetedi.
Atyraý, Qyzylorda jáne Mańǵystaý oblystarynda shańdy daýyl soǵady. Jeldiń ekpini keı jerlerde sekýndyna 20–25 metrge deıin kúsheıedi. Atyraý men Qyzylorda qalalarynda da shańdy daýyl soǵady.
Almaty oblysynda túnde aýa temperatýrasy 1–6 gradýsqa deıin tómendep, úsik júredi. Qonaevta túnde úsik 1–3 gradýsqa jetedi. Taldyqorǵanda túnde 4–6 gradýs úsik kútiledi.
Jambyl jáne Túrkistan oblystarynda jeldiń ekpini sekýndyna 23–28 metrge deıin jetedi. Jambyl oblysynyń taýly aýdandarynda túnde jáne tańerteń tuman túsedi. Túrkistan oblysynyń ońtústigi men taýly aýdandarynda da tuman bolady.
Jetisý oblysynda túnde jáne tańerteń taýly aýdandarda tuman túsedi. Alakól kólderi aýdanynda jeldiń ekpini sekýndyna 23–28 metrge deıin kúsheıedi. Oblystyń soltústigi men ortalyǵynda túnde 4 gradýs úsik júredi. Óńirdiń shyǵysynda 16–20 qazan aralyǵynda órt shyǵý qaýpi tótenshe deńgeıde saqtalady.
Batys Qazaqstan oblysynda kúndiz ońtústik-batysta jańbyr jaýyp, naızaǵaı oınaıdy. Jeldiń ekpini sekýndyna 15–20 metrge deıin jetedi.
Qaraǵandy, Qostanaı, Pavlodar jáne Soltústik Qazaqstan oblystarynda keı jerlerde túnde jáne tańerteń tuman túsedi. Jeldiń ekpini sekýndyna 15–20 metrge deıin kúsheıedi.
Aqtóbe jáne Ulytaý oblystarynda jeldiń ekpini sekýndyna 15–18 metrge deıin jetedi. Ulytaý oblysynyń batysy, ońtústigi men ortalyǵynda órt shyǵý qaýpi tótenshe deńgeıde saqtalady.
Birqatar óńirde órt shyǵý qaýpi joǵary nemese tótenshe deńgeıde bolady. Atap aıtqanda, Abaı, Aqtóbe, Atyraý, Jetisý, Qyzylorda jáne Ulytaý oblystarynyń keı jerlerinde órt qaýpi tótenshe deńgeıge jetedi.
Qyzylorda, Aqtaý, Pavlodar, Petropavl, Shymkent, Túrkistan jáne Jezqazǵan qalalarynda da aýa raıyna baılanysty eskertý jarııalandy.
Osyǵan deıin Ystanbulda nóser saldarynan mektepter jabylǵany týraly jazdyq.
