Jelide jalǵan akkaýntpen pikir jazarda abaı bolyńyz – polıtsııa eskertý jasady

SEMEI. KAZINFORM – Abaı oblysynyń polıtsııa qyzmetkerleri ınternettegi zańsyz áreketter úshin jaýapkershilik baryn eskertti. 

Búginde áleýmettik jeliler kúndelikti ómirdiń bir bólshegine aınaldy. Munda adamdar pikir talastyrylady, jańalyqtardy talqylaıdy. Biraq ınternet keı jaǵdaıda quqyq buzýshylyqtar men qylmystar jasalatyn orynǵa aınalyp otyr. Qarjylyq alaıaqtyqtan bastap, adamdy qaralap, kıberbýllıng jáne janjal týdyratyn provokatsııalar jasaıtyndar az emes.

– Kóptegen jeli qoldanýshysy «eger akkaýnt jalǵan bolsa, derekter oıdan shyǵarylsa jáne servıs sheteldik bolsa, onyń avtoryn anyqtaý múmkin emes» dep oılaıdy. Bul – qate túsinik. Kez kelgen pikir, habarlama nemese jarııalanym tsıfrlyq iz qaldyrady. Tekserý jáne tergeý barysynda polıtsııanyń arnaıy bólimsheleri resmı suraýlar jiberip, akkaýnt tirkelgen derekterdi, sonyń ishinde telefon nómirleri men basqa tsıfrlyq ıdentıfıkatorlardy ala alady, - dep habarlady oblystyq polıtsııa departamentinen. 

Jelidegi anonımdilik – shartty, al jaýapkershilik – naqty ekenin umytpaý kerek. Sondyqtan tártip saqshylary qaralaý, qaýip tóndirý, jalǵan aqparat taratý, janjal qozdyrý jáne basqa da zańsyz áreketter Qazaqstan Respýblıkasynyń zańnamasyna sáıkes jaýapkershilikke ákeletinin eskertti. 

Eske salsaq, osyǵan deıin Almatyda jańa Konstıtýtsııaǵa qatysty feık taratqan turǵyn jazalanǵany habarlanǵan.