Jelide Qazaqstan Premer-Mınıstriniń feık suhbaty tarap jatyr
Áleýmettik jelilerde QR Premer-Mınıstri Álıhan Smaıylovtyń krıptovalıýtaǵa ınvestıtsııa salýǵa shaqyrǵan feık-suhbaty tarap jatyr. Jarnamada Úkimet basshysynyń sýreti de qosa berilgen, dep habarlaıdy QazAqparat.
Bógde saıtta jarııalanǵan Úkimet basshysynyń «suhbatynda» alaıaqtar oqyrmandardy krıptovalıýtaǵa qarajat salý úshin belgili bir platformany paıdalanýǵa shaqyrady.
Stopfake.kz-ke Úkimettiń baspasóz qyzmeti bul aqparattyń shyndyqqa janaspaıtynyn rastady jáne qazaqstandyqtardy alaıaqtardyń arbaýyna túspeýge shaqyrdy.
Óz kezeginde Mádenıet jáne aqparat mınıstrligi áleýmettik jeliler ákimshiliginen zańsyz kontentti buǵattaý týraly ótinish joldaǵanyn habarlady.
Jaqynda áleýmettik jelilerde QR Premer-Mınıstriniń orynbasary – Qarjy mınıstri E.Jamaýbaevqa qatysty oqyrmandarǵa tabys tabýdyń jeńil joldary usynylǵan osyndaı feık taraǵan bolatyn.
