Jelide kalıan jarnamalaǵan semeılik jasóspirim jaýapqa tartyldy

Áleýmettik jelilerde Semeı qalasyndaǵy oıyn-caýyq mekemeleriniń birinde 17 jastaǵy jasóspirimniń balaǵat sózder qoldanyp, kalıandy jarnamalaǵan vıdeosy tarady.

Abaı oblysy Polıtsııa departamentiniń qyzmetkerleri bul jarııalanym boıynsha tekserý júrgizdi. Sonyń nátıjesinde kámeletke tolmaǵan jasóspirim usaq buzaqylyq jasaǵany úshin ákimshilik jaýapkershilikke tartyldy.

- Mekeme ókiline de jaýapkershilik júkteldi. Oǵan tyıym salynǵan jerde temeki ónimderin tutynýdy toqtatý sharalaryn qabyldamaǵany úshin ákimshilik shara qoldanyldy. Qazaqstanda qoǵamdyq oryndarda kalıan shegýge 2020 jyldan bastap tyıym salynǵan. Ákimshilik materıaldar zańda belgilengen tártippen cotqa qaralýǵa joldandy, - dep habarlady departamenttiń baspasóz qyzmetinen.

Osy rette, polıtseıler ata-analarǵa eskertý jasady.

- Jasóspirimniń óz betinshe aqsha tabýǵa degen talpynysy qoldaýǵa laıyq. Alaıda jumys zańdy, qaýipsiz bolýy jáne onyń bolashaǵyna zııan keltirmeýi tıis. Sondyqtan balalaryńyzben sóılesińizder, olardyń aralasatyn ortasyna qyzyǵýshylyq tanytyńyzdar jáne durys joldy tańdaýyna kómektesińizder. Keıde der kezinde aıtylǵan bir aýyz sózdiń saldary uzaq ýaqytqa sozylatyn qateliktiń aldyn alýy múmkin, - deıdi tártip saqshylary.

Eske salsaq, osyǵan deıin ShQO-da polıtsııa qyzmetkerleri órtke oranǵan úıden balany aman alyp shyqqany habarlanǵan.