Jel, jaýyn, naızaǵaı – cársenbige arnalǵan aýa raıy boljamy
NUR-SULTAN. QazAqparat – «Qazgıdromet» RMK 25 qyrkúıekke arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóliginde aýa aǵyndardyń ótýine baılanysty qubylmaly aýa raıy kútiledi. Túnde jáne kúndiz keı jerlerde jaýyn-shashyn jaýady (jańbyr, jylbysqy qar) jel kúsheıedi, tuman túsip, ońtústik-shyǵysta naızaǵaı jarqyldaıdy.
Soltústik Qazaqstan oblysynyń keı jerlerinde túnde jel 15-20 m/s, kúndiz 15-20, keı jerlerde ekpini 25 m/s kúsheıedi, túnde keı jerlerde tuman bolady.
Aqmola, Qostanaı, Qaraǵandy oblystarynyń keı jerlerinde jel 15-20 m/s kúsheıedi, tuman kútiledi.
Almaty oblysynyń naızaǵaı kezinde, kúndiz Túrkistan, Shyǵys Qazaqstan oblystarynyń keı jerlerinde jel 15-20 m/s kúsheıedi. Jambyl, Batys Qazaqstan, Aqtóbe, pavlodar oblystarynyń keı jerlerinde tuman túsedi.
Aqmola, Atyraý, Batys Qazaqstan, Aqtóbe, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde túnde 1-3 gradýs úsik júredi.
Qyzylorda, Túrkistan oblystarynda, Jambyl oblysynyń keı jerlerinde, Karaǵandy oblysynyń ońtústik jáne ońtústik-shyǵysynda, Batys Qazaqstan oblysynyń ońtústigińde óte joǵary órt qaýipi saqtalady.
