Jel, jaýyn, kóktaıǵaq - beısenbige arnalǵan aýa raıy boljamy
ASTANA. QazAqparat - «Qazgıdromet» RMK 14 naýryzǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń batysynda, soltústik-batysynda jáne soltústiginde atmosferalyq frontaldy bólikterdiń ótýine baılanysty qubylmaly aýa raıy saqtalady. Keı jerlerde jaýyn-shashyn bolyp, batystyń keı jerlerinde túnde qatty jaýyn jaýady.
Respýblıkanyń keı jerlerinde tuman, kóktaıǵaq, jeldiń kúsheıýi, jaıaý burqasyn kútiledi.
Soltústik Qazaqstan, Aqtóbe, Qostanaı oblystarynyń keı jerlerinde tuman, kúndiz keı jerlerinde jaıaý burqasyn, kóktaıǵaq kútiledi, keı jerlerde túnde, basym bóliginde kúndiz jel 15-20, kúndiz ekpini 25 m/s kúsheıedi.
Qyzylorda, Atyraý, Batys Qazaqstan oblystarynyń keı jerlerinde tuman, kúndiz keı jerlerinde jel soǵady.
Aqmola, Batys Qazaqstan oblystarynyń keı jerlerinde kóktaıǵaq kútiledi.
Qaraǵandy, Jambyl, Pavlodar, Mańǵystaý oblystarynda, túnde jáne tańerteń Almaty, Shyǵys Qazaqstan oblystarynyń keı jerlerinde tuman túsip, jeldiń jyldamdyǵy 15-23 m/s jetedi.
