Jel, jaýyn, burshaq - jumaǵa arnalǵan aýa raıy boljamy
NUR-SULTAN. QazAqparat - «Qazgıdromet» RMK 26 sáýirge arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóliginde atmosferalyq aýa aǵyndardyń ótýine baılanysty jańbyr jaýady, ortalyǵynda -qatty jańbyr jaýady, tek ońtústik-batysynda jaýyn-shashynsyz aýa raıy kútiledi.
Keı jerlerinde tuman, jeldiń kúsheıýi saqtalady, naızaǵaı bolyp, burshaq jaýýy múmkin, soltústikte jaıaý burqasyn kútiledi. Qyzylorda oblysynda kúndiz jel 15-20 m/s kúsheıedi, keı jerlerde shańdy daýyl kútiledi.
Pavlodar oblysynda jel 15-20, keı jerlerde 25 m/s kúsheıedi. Qaraǵandy oblysynyń keı jerlerinde jel 15-20, ekpini 25 m/s kúsheıedi.
Aqmola, Soltústik Qazaqstan, Qostanaı oblystarynyń keı jerlerinde tuman, kóktaıǵaq bolyp, jeldiń jyldamdyǵy 15-20 m/s jetedi.
Kúndiz Shyǵys Qazaqstan oblysynyń keı jerlerinde jel 15-20 m/s kúsheıedi. Jambyl, Túrkistan oblystarynda tańerteń jáne kúndiz keı jerlerde jel 15-20 m/s jyldamdyqpen soǵady, burshaq jaýýy múmkin. Jambyl oblysynyń keı jerlerinde tuman kútiledi. Túnde jáne tańerteń Almaty oblysynyń keı jerlerinde tuman kútiledi.
