Jel, jańbyr, kóktaıǵaq – sársenbidegi aýa raıy
NUR-SULTAN. QazAqparat - Sársenbi kúni elimizde jel kúsheıip, jańbyr jaýady, keı óńirlerde tuman túsedi, kóktaıǵaq bolýy múmkin, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, 7 sáýirde Qazaqstannyń basym bóliginde atmosferalyq aǵyndardyń ótýine baılanysty aýa-raıy qubylmaly bolady, elimizdiń keı jerlerinde jaýyn-shashyn (jańbyr, qar) túsedi, tek ońtústikte jáne ońtústik-batysta jáne ortalyqta kún raıy ashyq. Keı jerlerde tuman túsip, jel kúsheıedi, soltústikte kóktaıǵaq bolady.
Batys Qazaqstan, Jambyl oblystarynyń keı jerlerinde tuman túsýi múmkin, jel 15-20 m/s kúsheıedi.
Qostanaı, Soltústik Qazaqstan, Pavlodar oblystrynyń keı jerlerinde tuman túsip, kóktaıǵaq bolýy yqtımal, kúndiz Qostanaı oblysynda jel 15-20 m/s kúsheıedi.
Aqtóbe, túnde Atyraý oblystarynyń keı jerlerinde jel 15-20 m/s kúsheıedi.
Aqmola, Mańǵystaý, Qaraǵandy, túnde jáne tańerteń Shyǵys Qazaqstan, oblystarynyń keı jerlerinde tuman túsýi múmkin.
