Jel, jańbyr, kóktaıǵaq – dúısenbidegi aýa raıy
NUR-SULTAN. QazAqparat – 5 sáýir, dúısenbide Qazaqstanda jel kúsheıip, jaýbyr jaýady, kóktaıǵaq bolýy múmkin, dep habarlaıdy QazAqparat Qazgıdrometke silteme jasap.
5 sáýirde tsıklon soltústik-shyǵysqa jyljyp, Qazaqstannyń basym bóligine yqpal etedi jáne soǵan baılanysty atmosferalyq aǵyndar keı jerlerde jaýyn-shashyn (jańbyr, qar), ońtústikte jáne ońtústik-shyǵysta nóser jaýyn alyp keledi. Keı jerlerde tuman túsip, kóktaıǵaq bolady, jel kúsheıip, soltústik-batysta – jaıaý burqasyn, ońtústik-batysta – shańdy daýyl soǵyp, ońtústikte jáne ońtústik-shyǵysta – naızaǵaı jarqyldaıdy.
Jambyl oblysynyń keı jerlerinde tuman túsip, túnde kóktaıǵaq bolady, kúndiz - naızaǵaı jarqyldaıdy, burshaq jaýýy yqtımal, jel 15-20 m/s kúsheıip, ekpini 23-28 m/s jetedi, ońtústik-batysta jyldamdyǵy 30 m/s asyp ketedi.
Túrkistan oblysynyń keı jerlerinde naızaǵaı oınap, burshaq jaýýy yqtımal, jel 15-20 m/s kúsheıip, ekpini 23 m/s jetedi.
Almaty oblysynyń keı jerlerinde naızaǵaı oınap, jel 15-20 m/s kúsheıedi. Qyzylorda oblysynyń keı jerlerinde jel 15-20 m/s kúsheıedi, túnde naızaǵaı jarqyldaıdy.
Mańǵystaý, Atyraý oblystarynyń keı jerlerinde tuman túsip, kúndiz jel 15-20 m/s kúsheıedi, Mańǵystaý oblysynyń keı jerlerinde kúndiz shańdy daýyl soǵady.
Aqmola, Qaraǵandy, Qostanaı oblystarynyń keı jerlerinde tuman túsip, kóktaıǵaq bolady, jel 15-20 m/s kúsheıedi, Qostanaı oblysynyń keı jerlerinde jaıaý burqasyn soǵýy yqtımal.
Soltústik Qazaqstan, túnde jáne tańerteń Shyǵys Qazaqstan oblystarynyń keı jerlerinde tuman túsýi múmkin, kúndiz jel 15-20 m/s kúsheıedi.
Batys Qazaqstan, Aqtóbe oblystarynyń keı jerlerinde tuman túsip, kóktaıǵaq bolýy yqtımal.
Pavlodar oblysynyń keı jerlerinde tuman túsip, túnde keı jerlerde kóktaıǵaq bolady, kúndiz keı jerlerde jel 15-20 m/s kúsheıedi.
