Jel, jańbyr, aptap ystyq - dúısenbige arnalǵan aýa raıy boljamy
NUR-SULTAN. QazAqparat – Dúısenbide elimizde jańbyr jaýyp, jel kúsheıedi. Alaıda keı óńirlerde kún ashyq, ári aptap ystyq bolady, dep habarlaıdy QazAqparat Qazgıdrometke silteme jasap.
15 maýsymda Qazaqstannyń basym bóliginde frontaldy bólikterdiń ótýine baılanysty qubylmaly aýa raıy saqtalady, keı jerlerde naızaǵaı jarqyldap, jańbyr jaýady. Tek elimizdiń ońtústiginde, batysynda jáne Soltústik Qazaqstan oblysynda kún raıy ashyq bolady. Keı jerlerde jel kúsheıip, ońtústikte jáne ońtústik-batysta shańdy daýyl soǵady, ortalyqta burshaq jaýýy yqtımal.
Túnde Qyzylorda oblysynyń keı jerlerinde, kúndiz basym bóliginde jel 15-20 m/s kúsheıedi, kúndiz keı jerlerinde shańdy daýyl soǵady.
Qaraǵandy, Shyǵys Qazaqstan, Qostanaı, kúndiz Túrkistan oblystarynyń keı jerlerinde naızaǵaı, jeldiń kúsheıip, jyldamdyǵy 15-20 m/s jetedi, Qaraǵandy oblysynda burshaq jaýýy yqtımal.
Aqmola, Jambyl oblystarynyń kúndiz keı jerlerinde jel 15-20 m/s kúsheıedi, Aqmola oblysynda naızaǵaı jarqyldaıdy.
Mańǵystaý, Atyraý, Aqtóbe oblystarynyń keı jerlerinde jel 15-20 m/s kúsheıedi, Mańǵystaý oblysynda shańdy daýyl soǵýy múmkin.
Almaty, Atyraý oblystarynda, Qyzylorda, Mańǵystaý, Batys Qazaqstan oblystarynyń ońtústiginde, Shyǵys Qazaqstan oblysynyń batysynda qatty ystyq kútiledi.
Atyraý, Qyzylorda, Qaraǵandy oblystarynda, Aqtóbe, Aqmola, Pavlodar, Túrkistan, Jambyl oblystarynyń basym bóliginde, Batys Qazaqstan, Qostanaı oblystarynyń ońtústiginde, Almaty oblysynyń batysynda óte joǵary órt qaýipi saqtalady.
