Jel, jańbyr, kóktaıǵaq - 26 naýryzǵa jasalǵan kún raıy boljamy

ASTANA. KAZINFORM - Qazgıdromet Qazaqstan aımaqtarynda 2024 jylǵy 26 naýryzda bolatyn qaýipti meteorologııalyq qubylystarǵa boljaý konsýltatsııasyn jarııalady. 

QR basym aýmaǵynan atmosfera frontaldy bólimderdiń ótýine baılanysty aýa raıynyń turaqsyz sıpaty saqtalyp, jaýyn-shashyn (kóbine jańbyr túrinde) kútiledi, batysta jańbyr qatty bolady dep kútiledi.

Elimizdiń soltústigi men ońtústik-shyǵysynda jaýyn-shashynsyz aýa-raıy kútiledi. Tuman túsip, jeldiń jyldamdyǵy 15-25 m/s deıin kúsheıýi kútiledi.

Ońtústikte – qatty jel, naızaǵaı; soltústik-batysta, shyǵysta kóktaıǵaq bolady.