Jel, jańbyr, burshaq - 31 shildege jasalǵan kún raıynyń boljamy

ASTANA. KAZINFORM - Qazgıdromet Qazaqstan aımaqtarynda 2024 jylǵy 31 shildede bolatyn qaýipti meteorologııalyq qubylystarǵa boljaý konsýltatsııasyn jarııalady. 

Atmosferalyq frontaldy bólimder Qazaqstannyń basym bóliginde aýa raıynyń turaqsyz sıpatyn saqtap qalady: naızaǵaımen jańbyr jaýady, batysta, ońtústik-shyǵysta qatty jańbyr, burshaq, daýyl kútiledi. Tek eldiń soltústik-batysynda, ońtústiginde jáne ortalyǵynda jaýyn-shashynsyz aýa-raıy kútiledi. Respýblıka boıynsha jeldiń kúsheıýi kútiledi, QR soltústik-batysynda, soltústiginde, shyǵysynda túngi jáne tańerteńgi saǵattarda tuman kútiledi.

Kúndiz Almaty, Atyraý, Mańǵystaý, Aqtóbe, Qyzylorda, Jambyl, Jetisý, Ulytaý oblystarynda, Qostanaı oblysynyń ońtústiginde jáne Abaı oblysynda qatty ystyq kútiledi.

Jambyl, Almaty, Ulytaý oblystarynda, Qaraǵandy oblysynyń soltústik-batysynda, batysynda, ońtústiginde, Aqtóbe oblysynyń ońtústik-shyǵysynda, ońtústiginde, ortalyǵynda, Shyǵys Qazaqstan oblysynyń ońtústiginde órt qaýipi saqtalady, Abaı oblysynda, Qaraǵandy oblysynyń shyǵysynda, ortalyǵynda joǵary órt qaýipi kútiledi.

Mańǵystaý, Túrkistan oblystarynda, Atyraý oblysynyń ońtústiginde, Qostanaı oblysynyń ońtústiginde, Almaty oblysynyńbatysynda, Ulytaý oblysynda, Jambyl oblysynyńsoltústik-batysynda, ońtústik-shyǵysynda, Qyzylorda oblysynda tótenshe órt qaýpi saqtalady.