Jel, tuman jáne kóktaıǵaq - Senbige arnalǵan aýa raıy
NUR-SULTAN. QazAqparat – Senbi, 20 naýryzda Qazaqstanda jel kúsheıip, jaýyn-shashyn túsedi, keı óńirlerde kóktaıǵaq bolyp, tuman túsýi yqtımal, dep habarlaıdy QazAqparat Qazgıdrometke silteme jasap.
Qara teńiz aımaǵynan keletin tsıklon respýblıkanyń barlyq aýmaǵyna áser etedi, onymen birge jaýyn-shashyn, keı jerlerinde qatty nóser jáne qalyń qar jaýady, jel kúsheıip, soltústik-batysta jaıaý burqasyn soǵýy yqtımal. Respýblıkanyń keı jerlerinde tuman túsip, kóktaıǵaq bolýy múmkin.
Almaty oblysynyń keı jerlerinde túnde jáne tańerteń tuman túsýi múmkin, keı jerlerde jel 15-20 m/s kúsheıip, ekpini 23-28 m/s jetedi, keı ýaqyttarda 30 m/s asyp ketedi.
Shyǵys Qazaqstan oblysynda jel jyldamdyǵy 15-20 m/s, keı jerlerde 23-28 m/s jetedi, ekpini 30 m/s asyp ketýi múmkin.
Aqtóbe, Aqmola, Qaraǵandy, Soltústik Qazaqstan, Pavlodar, Qostanaı, Jambyl oblystarynyń keı jerlerinde tuman túsedi, kóktaıǵaq bolady, jel kúsheıip jyldamdyǵy 15-20 m/s, keı jerlerde 23-28 m/s jetedi, Qostanaı, Aqtóbe oblystarynyń keı jerlerinde kóktaıǵaq bolady.
Qyzylorda, Mańǵystaý, Atyraý, Batys Qazaqstan oblystarynyń keı jerlerinde tuman túsip, jeldiń kúshi 15-20 m/s jetedi, Batys Qazaqstan oblysynyń keı jerlerinde kóktaıǵaq bolýy yqtımal.
Túrkistan oblysynyń keı jerlerinde jel 15-20 m/s deıin kúsheıedi.
