Jel, tuman, kóktaıǵaq – jeksenbidegi aýa raıy
NUR-SULTAN. QazAqparat – 4 sáýirde, jeksenbi kúni elimizde jel kúsheıip,tuman túsedi, kóktaıǵaq bolýy múmkin, keı óńirlerde jaýyn-shashyn túsedi, dep habarlaıdy QazAqparat Qazgıdrometke silteme jasap.
Qazaqstannyń shyǵys jartysy antıtsıklon yqpalynda bolǵandyqtan, kún raıy ashyq bolady. Elimizdiń batysyna tsıklon jyrasy yǵysady, soǵan baılanysty atmosferalyq frontaldy bólikter keı jerlerde jaýyn-shashyn (jańbyr, qar), ońtústikke qatty jańbyr alyp keledi. Keı jerlerde tuman túsip, kóktaıǵaq bolady, jel kúsheıip, ońtústik-batysta shańdy daýyl soǵady, ońtústikte naızaǵaı oınaıdy.
Jambyl oblysynyń keı jerlerinde tuman túsip, túnde kóktaıǵaq bolady, jel 15-20 m/s kúsheıip, ekpini 23-28 m/s jetedi.
Túrkistan oblysynyń keı jerlerinde naızaǵaı oınaıdy, burshaq jaýýy yqtımal, jel 15-20 m/s kúsheıip, ekpini 23-28 m/s jetedi.
Aqmola, Almaty, Qaraǵandy, Qostanaı oblystarynyń keı jerlerinde tuman túsedi, jel 15-20 m/s kúsheıedi, Qostanaı oblysynyń keı jerlerinde kóktaıǵaq bolýy múmin.
Qyzylorda oblysynyń keı jerlerinde naızaǵaı jarqyldaıdy, jel 15-20 m/s kúsheıedi.
Aqtóbe oblysynyń keı jerlerinde tuman túsýi múmkin, túnde kóktaıǵaq bolady, ońtústiginde jel 16 m/s kúsheıedi.
Erteń kúndiz Mańǵystaý oblysynyń keı jerlerinde shańdy daýyl soǵyp, jel 15-20 m/s kúsheıedi.
Atyraý, Pavlodar, túnde jáne tańerteń Shyǵys Qazaqstan oblystarynyń keı jerlerinde tuman túsedi.
Batys Qazaqstan oblysynyń keı jerlerinde tuman túsedi, kúndiz jel 15-20 m/s kúsheıedi.
