Jel, tuman, kóktaıǵaq – seısenbige arnalǵan aýa raıy boljamy
NUR-SULTAN. QazAqparat – Sınoptıkterdiń boljaýynsha seısenbide elimizde jel kúsheıip, tuman túsedi, kóktaıǵaq bolady, soltústik óńirlerde boran soǵady, dep habarlaıdy QazAqparat Qazgıdrometke silteme jasap.
«24 jeltoqsanda Qazaqstannyń basym bóligine Atlant muhıtynan keletin antıtsıklon áser etedi, jaýyn-shashyn toqtaıdy. Tek elimizdiń soltústik jáne shyǵysynda áli de jaýyn-shashyn saqtalǵan frontaldy aımaqta jatyr. Keı jerlerde tuman túsip, kóktaıǵaq bolady, burqasyn soǵyp, jel kúsheıedi», delingen boljamda.
Aqmola, Qostanaı, Soltústik Qazaqstan oblystarynyń keı jerlerinde burqasyn kútiledi, jel 15-20 m/s kúsheıedi.
Qostanaı, Soltústik Qazaqstan oblystarynyń keı jerlerinde tuman túsedi. Pavlodar, Qaraǵandy, Shyǵys Qazaqstan oblystarynyń keı jerlerinde jaıaý burqasyn soǵady, jel 15-20 m/s kúsheıedi.
Qaraǵandy, Shyǵys Qazaqstan oblystarynyń keı jerlerinde tuman túsýi yqtımal.
Jambyl, Túrkistan, Qyzylorda, Batys Qazaqstan, Aqtóbe, túnde Almaty oblystarynyń keı jerlerinde tuman túsýi múmkin.
Jambyl oblysynyń keı jerlerinde kóktaıǵaq kútiledi, Túrkistan oblysynyń keı jerlerinde jel 15-20 m/s kúsheıedi.
Atyraý, Mańǵystaý oblysynyń keı jerlerinde jel 15-23 m/s kúsheıedi, Mańǵystaý oblysynda shańdy daýyl soǵady.
