Jel, tuman, kóktaıǵaq - Qazgıdromettiń 24 qazanǵa arnalǵan aýa raıy boljamy

ASTANA. QazAqparat - «Qazgıdromet» sınoptıkteri 24 qazan, dúısenbige arnalǵan aýa raıy boljamyn jarııalady, dep habarlaıdy QazAqparat.

Qazaqstan aýmaǵynyń basym bóliginde aýa raıyna Batys antıtsıklony yqpal etedi.

Sondyqtan jaýyn-shashynsyz aýa raıy kútiledi.

Eldiń batys, ońtústik jáne ońtústik-shyǵys aımaqtarynda atmosferalyq fronttar júrip ótedi.

Osyǵan baılanysty jańbyr jaýady, ońtústiktiń jáne ońtústik-shyǵystyń taýly aımaqtarynda jańbyr men qar túrinde jaýyn-shashyn bolady.

Qazaqstan boıynsha jel kúsheıip, tuman túsedi, kóktaıǵaq bolady.