Jel, tuman, boran - dúısenbige arnalǵan aýa raıy
NUR-SULTAN. QazAqparat – Dúısenbi elimizdiń basym bóliginde qubylmaly aýa raıy saqtalady, dep habarlaıdy QazAqparat Qazgıdrometke silteme jasap.
22 aqpanda farontaldy qurylymdardyń ótýine baılanysty elimizdiń basym bóliginde qubylmaly aýa raıy saqtalady. Keı jerlerde qar jaýady, elimizdiń ońtústik-batysynda, ońtústik-shyǵysynda qar aralas jańbyr jaýady. Tek elimizdiń ońtústigi men soltústigi jaýyn-shashynsyz. Respýblıkanyń keı jerlerinde tuman túsip, kóktaıǵaq bolady, jaıaý boran soǵady, jel kúsheıýi múmkin.
Almaty, Jambyl, Atyraý oblystarynyń keı jerlerinde tuman túsip, kóktaıǵaq bolady, túnde Jambyl oblysynyń keı jerlerinde jeldiń jyldamdyǵy 15-20 m/s jetedi.
Aqtóbe, Batys Qazaqstan oblystarynyń keı jerlerinde tuman túsip, jaıaý boran soǵady, kúndiz jel 15-20 m/s kúsheıedi.
Qostanaı, Qaraǵandy, Shyǵys Qazaqstan oblstarynyń keı jerlerinde tuman túsedi, jaıaý burqasyn soǵýy múmkin, kúndiz Shyǵys Qazaqstan oblysynyń keı jerlerinde jel 15-20 m/s kúsheıedi.
Kúndiz Mańǵystaý, Kyzylorda oblystarynyń keı jerlerinde jeldiń jyldamdyǵy 15-20 m/s jetedi, Mańǵystaý oblysynyń keı jerlerinde kóktaıǵaq bolýy yqtımal.
Aqmola, Pavlodar, Túrkistan oblystarynyń keı jerlerinde tuman túsýi múmkin.
