Jel, tuman: 3 sáýirde Qazaqstannyń basym bóliginde eskertý jarııalandy
ASTANA. KAZINFORM — Sınoptıkter Qazaqstannyń kóptegen óńirinde qolaısyz aýa raıyna baılanysty eskertý jasady, dep habarlaıdy «Qazgıdromet» RMK baspasóz qyzmeti.
Mańǵystaý oblysynda túnde jáne tańerteń soltústikte, ortalyqta tuman kútiledi.
Abaı oblysynda túnde jáne tańerteń soltústikte, ortalyqta tuman bolady.
Almaty oblysynda soltústikte jáne ońtústikte joǵary órt qaýpi saqtalady.
Aqtóbe oblysynda túnde jańbyr, batysta, ortalyqta keı ýaqytta qatty jańbyr, kúndiz soltústikte, shyǵysta, ortalyqta jańbyr, naızaǵaı, burshaq, daýyl kútiledi. Soltústik-batystan jel soǵady, kúndiz shyǵysta, ortalyqta ekpini 15-20 m/s deıin jetedi.
Batys Qazaqstan oblysynda túnde jáne tańerteń batysta, soltústikte, shyǵysta tuman túsedi. Jel aýyspaly bolady. Oraldy túnde jáne tańerteń tuman basady.
Túrkistan oblysynda tańerteń jáne kúndiz ońtústikte naızaǵaı oınaıdy. Soltústik-batystan jel soǵady, tańerteń jáne kúndiz ońtústikte ekpini 15-20 m/s deıin barady. Batysta, ortalyqta, soltústikte joǵary órt qaýpi saqtalady. Túrkistanda joǵary órt qaýpi bar.
Atyraý oblysynda túnde jáne tańerteń ońtústikte, shyǵysta tuman túsedi. Jel aýyspaly. Atyraýdy túnde jáne tańerteń tuman basady.
Pavlodar oblysynda túnde jáne tańerteń batysta, soltústikte, shyǵysta tuman bolady. Jel aýyspaly. Pavlodarda da tuman kútiledi.
Shyǵys Qazaqstan oblysynda túnde jáne tańerteń soltústikte, shyǵysta tuman túsedi. Jel aýyspaly. Óskemende de túnde jáne tańerteń tuman bolady.
Qyzylorda oblysynda kúndiz ońtústikte, ortalyqta jańbyr quıady. Ortalyqta, soltústikte, ońtústikte shańdy daýyl soǵyp, naızaǵaı oınaıdy, burshaq jaýýy múmkin. Batystan, ońtústik-batystan jel soǵady, ortalyqta, soltústikte, ońtústikte ekpini 15-20 m/s. Shyǵysta joǵary órt qaýpi saqtalady. Al Qyzylorda qalasynda kúndiz naızaǵaı oınaýy yqtımal.
Qostanaı oblysynda kúndiz ońtústikte, batysta jańbyr jaýyp, naızaǵaı oınaıdy. Batysta, soltústikte tuman túsedi. Shyǵys, ońtústik-shyǵystan jel soǵady, kúndiz ońtústikte, batysta ekpini 15-20 m/s. Qostanaıda túnde jáne tańerteń tuman bolady.
Aqmola oblysynda túnde jáne tańerteń soltústik bóliginde tuman kútiledi. Jel aýyspaly. Kókshetaýda tańerteń tuman túsedi.
Ulytaý oblysynda kúndiz batysta naızaǵaı oınaıdy. Ońtústik-shyǵys, shyǵystan jel soǵady, kúndiz soltústikte ekpini 15-18 m/s deıin jetedi.
Qaraǵandy oblysynda túnde jáne tańerteń batysta, soltústikte tuman túsedi.
Jambyl oblysynda túnde jáne tańerteń taýly aýdandarda tuman bolady. Soltústik-shyǵystan jel soǵady, soltústik-shyǵysta, taýly aýdandarda ekpini 15-20 m/s. Ortalyqta joǵary órt qaýpi bar.
Soltústik Qazaqstan oblysynda soltústikte, shyǵysta, ońtústikte tuman túsip, kóktaıǵaq bolady. Ońtústik-shyǵystan jel soǵady, kúndiz batysta, ońtústikte ekpini 15-20 m/s deıin barady. Petropavlda túnde jáne tańerteń tuman, kóktaıǵaq kútiledi. Sondaı-aq, Soltústik Qazaqstan oblysynda sý deńgeıiniń kóterilip, sý tasyp, joldardy basý qaýpi bar.
Jetisý oblysynda kúndiz shyǵysta, batysta soltústik-shyǵystan jel soǵady, ekpini 15-20 m/s. Soltústikte, ońtústikte joǵary órt qaýpi saqtalady.
Pavlodar oblysynda qardyń qarqyndy erýi, erigen sý aǵynynyń qalyptasýy, ózenderdegi sý deńgeıiniń kóterilýi kútiledi. Avtojoldardy sý basýy, eldi mekender men turǵyn jáne sharýashylyq nysandardyń sý astynda qalýy múmkin.
Aqmola oblysynda ózenderdegi sý deńgeıi kóterilýi múmkin, eldi mekender, avtojoldar, turǵyn jáne sharýashylyq ǵımarattardy sý basý qaýpi bar. Turǵyndarǵa baǵyttaryn aldyn ala josparlaý usynylady.
Budan buryn Pavlodarda sáýir aıynyń sońynda 30 gradýstyq ystyq bolatyny habarlandy.
