Jel, shańdy daýyl: Túrkistan men Shymkentte kún qubylyp tur

ShYMKENT. KAZINFORM- Ońtústik aımaqta aýa temperatýrasy kúrt tómendedi.

Sınoptıkterdiń málimetinshe, saǵat 20:00 shamasynda Shymkentte jeldiń jyldamdyǵy 17 m/s-qa jetken. Túrkistan oblysyndaǵy alty meteostantsııa jeldiń kúsheıgenin tirkedi. Eń joǵary kórsetkishter Shardarada — 25 m/s, Qazyǵurtta — 16 m/s boldy.

Tótenshe jaǵdaılar qyzmetiniń málimetinshe, 112 nómirine resmı túrde tótenshe jaǵdaılar týraly habarlamalar kelip túspegen.

Mamandardyń aıtýynsha, kúnniń kúrt ózgerýine ońtústik-batystan kelgen tsıklon sebep bolǵan. Onyńsaldarynan aýa temperatrasy kúrt tómendep, shań men daýyl kóterilgen.

— Shymkentte aýa temperatýrasy +24 °C-qa deıin tómendedi, al Túrkistan oblysynyń taýly aımaqtarynda +20 °C-qa deıin tústi. Aldaǵy kúnderi aýyspaly bultty aýa raıy saqtalyp, keı jerlerde ótkinshi jańbyr jaýyp, naızaǵaı oınaýy yqtımal. Túngi temperatýra tómendeıdi, — dedi kezekshi sınoptık Janat Jarmenova.

Shymkent qalasyna arnalǵan aýa raıy boljamy:

-18 mamyr: túnde +15…+20 °C, aýyspaly bultty, naızaǵaıly ótkinshi jańbyr jaýýy múmkin, jel ekpini 20 m/s-qa deıin. Kúndiz +25…+27 °C, jaýyn-shashynsyz. Órt qaýpi joǵary deńgeıde (4-synyp).

- 19 mamyr: túnde +13…+15 °C, jaýyn-shashynsyz. Jel — soltústik-shyǵystan, 8–13 m/s. Kúndiz +27…+29 °C, ashyq.

- 20 mamyr: túnde +13…+15 °C, aýyspaly bultty. Kúndiz +30…+32 °C, jaýyn-shashynsyz. Jel — ońtústik-shyǵystan, 8–13 m/s.

Túrkistan oblysyna arnalǵan aýa raıy boljamy:

-18 mamyr: túnde +17…+22 °C, taýly aımaqtarda +14 °C-qa deıin. Kúndiz +23…+28 °C, taýda +20 °C-qa deıin. Keı aımaqtarda ótkinshi jańbyr, naızaǵaı, burshaq jaýyp, daýyl turady. Oblystyń batysy men soltústiginde shańdy daýyl turady. Jel — ońtústik-batystan soǵady, ekpini 9–14 m/s, keı jerlerde 28 m/s-qa deıin jetýi múmkin.

-19 mamyr: túnde +12…+17 °C, taýly aımaqtarda +9 °C-qa deıin. Kúndiz +25…+30 °C, taýda shamamen +22 °C. Jaýyn-shashyn bolmaıdy. Shóleıtti, batys jáne soltústik aýdandarda shańdy daýyl bolýy múmkin. Jel — soltústik-shyǵystan soǵady, jyldamdyǵy 9–14 m/s, keıde 20 m/s.

-20 mamyr: túnde +12…+17 °C, taýda +9 °C-qa deıin. Kúndiz +28…+33 °C, taýly jerlerde +25 °C. Kún jaýyn-shashynsyz. Keıbir aımaqtarda shańdy daýyl bolýy yqtımal. Jel — ońtústik-shyǵystan soǵyp, jyldamdyǵy 9–14 m/s, keı jerlerde ekpini 20 m/s-qa deıin.

Aıta keteıik, budan buryn Qazaqstanda aýa raıy kúrt ózgeretindigin jazǵan bolatynbyz.