Jel saldarynan Ertis alqabyndaǵy shybyn dernásilderin áýeden ýlaý keıinge shegerildi
ASTANA. QazAqparat - Ǵalymdar Ertis alqabyndaǵy shybyn dernásilderiniń kóbeıip jatqanyn aıtyp dabyl qaǵýda, dep habarlaıdy pavlodarnews.kz .
«Bıylǵy jyly jańa kópir ótkeliniń qurylys jumystary saldarynan Kenjekól aýdanyndaǵy Ertis ózeninen sý jaıylý aýmaǵy ulǵaıǵan», - deıdi energetıka jáne TÚKSh basqarmasynyń turǵyn úı sharýashylyǵy bóliminiń basshysy Zýlfııa Jarmaǵambetova. «6-9 mamyr aralyǵynda tapsyrys berýshi merdiger uıymdarmen jáne ǵalymdarmen birge qansorǵyshtardy ýlaý maqsatynda Ertis alqabyn tikushaqpen aralap shyqqan bolatyn. Alaıda jeldiń 15-20 m/s-na deıin kúsheıýi nátıjesinde áýeden jasalatyn ýlaý jumystary 11-12 mamyrǵa shegerildi».
Eske salaıyq, bıyl Pavlodar oblysynda 2016 jylmen salystyrǵanda tórt ese kóp qarjy bólingen. Masaǵa qarsy kúres jumystary alǵash ret 22 sáýirde bastalǵan. Mamandar Pavlodar, Aqsý, Ekibastuz qalalary aýmaǵynda dezınfektsııalyq óńdeýdi bastaǵan bolatyn.
