Jel, naızaǵaı, jaýyn: 15 shildege aýa raıy boljamy

ASTANA. KAZINFORM — Qazgıdromet sınoptıkteri 15 shilde, dúısenbige arnalǵan aýa raıy boljamyn jarııalady. 

Ońtústik tsıklon jáne onymen birge keletin atmosferalyq fronttardyń áserinen aýa raıynyń turaqsyz sıpaty saqtalady.

Jańbyr jaýady, soltústik-batysta, soltústikte, ońtústik-shyǵysta, ońtústikte, ortalyqta kún kúrkirep, burshaq bolady.

Qatty jelmen birge nóser jaýyn jaýady.

Respýblıka boıynsha jel kúsheıedi, ońtústik-batysta, soltústikte túngi jáne tańerteńgi ýaqytta tuman túsedi. 

Kúndiz Almaty, Atyraý oblystarynda, Abaı oblysynyń ońtústiginde aptap ystyq bolady. 

Atyraýda, Mańǵystaý, Batys Qazaqstan, Jambyl, Abaı, Aqtóbe, Shyǵys Qazaqstan oblysynyń ońtústik-shyǵysynda joǵary órt qaýpi saqtalady.

Mańǵystaýda, Túrkistan oblysynyń shóldi aýdandarynda, Jambyl oblysynyń batysynda jáne Ulytaýoblysynda, Qostanaı oblysynyń ońtústiginde, ortalyǵynda, shyǵysynda, Qyzylorda oblysynyń ońtústiginde, Atyraýoblysynyń ońtústik-shyǵysynda tótenshe órt qaýpi bar.