Jel kúsheıip, tuman bolady: 6 qazanǵa arnalǵan aýa raıy boljamy

ASTANA. KAZINFORM — Qazgıdromet 6 qazanǵa arnalǵan aýa raıy boljamyn jarııalady. 

Sınoptıkterdiń boljaýynsha, el aýmaǵynyń basym bóligine soltústik-batys antıtsıklon jotasy yqpal etip, jaýyn-shashynsyz aýa raıy saqtalady. Tek respýblıkanyń soltústiginde atmosferalyq frontaldy bólikterdiń ótýinen jańbyr, qar jaýady. Al batysta jańbyr sirkireıdi.

Elimizdiń batysynda, ońtústiginde jel kúsheıip, soltústik pen ońtústikte tuman bolady. Sondaı-aq ońtústik óńirlerde shańdy daýyl turady. 

Jambyl oblysynyń taýly aýdandarynda, Almaty oblysynyń soltústigi men ońtústiginde, sondaı-aq Jetisý oblysynyń soltústik jáne ortalyq aýdandarynda aıaz bolady.

Aıta keteıik, «Qazgıdromet» RMK elimizdiń 11 aımaǵynda daýyldy eskertý jarııalady.