Jel kúsheıip, shańdy daýyl turady — Qazgıdromet

ASTANA. KAZINFORM — «Qazgıdromet» RMK 21 qyrkúıekke arnalǵan aýa raıy boljamyn jarııalady.

Sınoptıkterdiń boljamynsha, Qazaqstannyń soltústiginde jáne ortalyǵynda jaýyn-shashynsyz aýa-raıy saqtalady. Qalǵan aýmaqta ońtústik tsıklonnyń jáne onymen baılanysty atmosferalyq frontaldy bólimderdiń áserinen naızaǵaı oınap, jańbyr jaýady. Respýblıka boıynsha jeldiń kúsheıýi, ońtústiginde shańdy daýyl, túngi jáne tańerteńgi ýaqytta tuman boljanady.

Túnde Qaraǵandy oblysynyń soltústiginde, shyǵysynda 1 gradýs úsik kútiledi.

Jetisý oblysynda, Batys Qazaqstan oblysynyń soltústiginde, Aqtóbe oblysynyń soltústiginde, Mańǵystaý, Qostanaı oblystarynyń ońtústiginde joǵary órt qaýpi kútiledi.

Túrkistan, Qyzylorda, Atyraý oblystarynda, Jambyl oblysynyń batysynda, soltústiginde, ortalyǵynda, Mańǵystaý oblysynyń soltústik-batysynda, ońtústik-shyǵysynda tótenshe órt qaýpi kútiledi.

Batys Qazaqstan oblysynyń batysynda, ońtústiginde, shyǵysynda, Aqtóbe oblysynyń batysynda, soltústik-shyǵysynda, ortalyǵynda jáne Almaty oblysynyń soltústiginde, ortalyǵynda da tótenshe órt qaýpi kútiledi.

Qaraǵandy, Ulytaý oblystarynyń ońtústiginde, Jetisý oblysynyń soltústiginde, shyǵysynda tótenshe órt qaýpi kútiledi.