Búgin jel kúsheıip, aıaz bolady

ASTANA. KAZINFORM — «Qazgıdromet» RMK 21 qazandaǵy aýa raıy boljamyn jarııalady. 

Sınoptıkterdiń habarlaýynsha, el aýmaǵynyń basym bóliginde aýa raıyna antıtsıklon yqpal etedi. Biraz óńirde jaýyn-shashynsyz aýa raıy saqtalady.

Soltústik-batys tsıklony shyǵys baǵytynda jyljyp, eldiń batysynda ǵana jańbyr jaýady. Sondaı-aq respýblıkanyń soltústigi men shyǵysynda jaýyn-shashyn bolady. 

Elimizdiń ońtústigi men ońtústik-shyǵysyndaǵy taýly aımaqtardaǵy frontaldy bólimderdiń áserinen túngi ýaqytta azdaǵan jańbyr men qar jaýady. Respýblıka boıynsha jel kúsheıedi. Soltústik pen ońtústik-shyǵystaǵy taýly aımaqtarda tuman túsedi.

Túnde Túrkistan oblysynyń soltústiginde, Almaty jáne Qyzylorda oblystarynyń taýly aýdandarynda 1-3 gradýs aıaz bolady.

— Mańǵystaý oblysynda, Atyraý oblysynyń soltústik-shyǵysynda, ońtústik-shyǵysynda, Aqtóbe oblysynyń ońtústiginde, shyǵysynda, Jambyl oblysynyń ortalyǵynda, Qyzylorda oblysynyń soltústiginde, ortalyǵynda, Almaty oblysynyń batysynda, Qostanaı jáne Aqmola oblystarynyń ońtústik-batysynda, Ulytaý oblysynyń shyǵysynda, ortalyǵynda, Abaı oblysynyń ońtústiginde joǵary órt qaýpi saqtalady, — delingen habarlamada.

Aıta keteıik, búgin Astana men taǵy 10 qalada aýa sapasy tómendeıdi.