Jel qulatqan «BURABAY» jazýy qalpyna keltirilip jatyr
KÓKShETAÝ. QazAqparat - Aqmola oblysynyń Şýchınsk qalasyndaǵy telemunaranyń ústine ornatylǵan «BURABAY» jazýy qalpyna keltirilýde, dep habarlaıdy QazAqparat.
Eske sala keteıik, aǵymdaǵy jyldyń 11 qazanynda soqqan qatty jeldiń saldarynan AQSh-taǵy Gollıvýd jazýyna uqsatyp qoıylǵan «BURABAY» jazýy jartylaı qulap qalǵan bolatyn.
Sol kezde Býrabaı aýdanynyń ákimdigi brendtik tıptegi jazý mindetti túrde qalpyna keltiriletinin aıtqan bolatyn. Ázirge, qalpyna keltirý jumystary barysynda jazýdyń «BURAB...» bes əripi turǵyzyldy. Bastalǵan jumystar jaqyn kúnderi tolyq aıaqtalmaq.
Aıta ketý kerek, «BURABAY» jazýy aǵymdaǵy jyldyń shilde aıynda demeýshiler qarajaty esebinen Şýchınsk qalasynyń irgesindegi Býrabaı taýyna ornatylǵan bolatyn. Jazýdyń bıiktigi - 14 metr, al uzyndyǵy 60 metrdi quraıdy. Jazý túnde túrli túspen janyp turdy.
