Jel, kóktaıǵaq, tuman: 27 aqpanǵa arnalǵan aýa raıy boljamy
NUR-SULTAN. QazAqparat - Sınoptıkter 27 aqpanda el aýmaǵynda aýa raıy qandaı bolatynyn jarııalady, dep habarlaıdy QazAqparat «Qazgıdrometke» silteme jasap.
Respýblıkanyń shyǵysyna antıtsıklon yqpal etedi, al batys bóligine Soltústik-batys tsıklony keledi.
Osyǵan baılanysty respýblıkanyń basym bóliginde qar jaýady.
Batysta jańbyr men qar jaýady.
Tek elimizdiń ońtústik-shyǵysy men shyǵysynda jaýyn-shashyn jaýmaıdy.
Respýblıkanyń keı jerlerinde tuman túsip, kóktaıǵaq bolady. Boran soǵyp, jel kúsheıedi.
Batys Qazaqstan, Atyraý, Aqtóbe oblystarynyń keı jerlerinde - jaıaý burqasyn, tuman, kóktaıǵaq bolady. Jel ekpini 15-20 m/s deıin kúsheıedi.
Túrkistan oblysynyń keı jerlerinde boran soǵady, tuman túsedi. Kúndiz keı jerlerde jel qarqyny - 15-20 m/s.
Kúndiz Aqmola, Soltústik Qazaqstan oblystarynyń batysynda burqasyn kóteriledi. Keı jerlerde jel jyldamdyǵy 15-20 m/s jetedi.
Qyzylorda oblysynyń keı jerlerinde tuman túsip, kóktaıǵaq bolady. Kúndiz keı jerlerde jeldiń kúshi - 15-20 m/s.
Jambyl oblasynyń keı jerlerinde tuman túsedi, jel ekpini 15-20 m/s deıin kúsheıedi.
Qostanaı, Qaraǵandy oblystarynyń keı jerlerinde tuman túsedi. Kúndiz keı jerlerde jel qarqyny - 15-20 m/s. Qostanaı oblysynyń keı jerlerinde boran soǵady.
Pavlodar, Shyǵys Qazaqstan, Mańǵystaý oblystarynyń keı jerlerinde tuman túsedi. Mańǵystaý oblysynda kóktaıǵaq boljanady.
Soltústik Qazaqstan, Qaraǵandy oblystarynyń keı jerlerinde túnde qatty aıaz bolady.
