Jel, kóktaıǵaq, boran: 22 qarashaǵa arnalǵan aýa raıy boljamy
NUR-SULTAN. QazAqparat - Sınoptıkter 22 qarasha el aýmaǵynda aýa raıy qandaı bolatynyn málim etti, dep habarlaıdy QazAqparat «Qazgıdromet» RMK baspasóz qyzmetine silteme jasap.
Atlantıkalyq tsıklon Qazaqstannyń basym bóligine áser etedi, osyǵan baılanysty jańbyr men qar jaýady.
Soltústikte qarly burqasyn kóteriledi.
Respýblıkanyń basym bóliginde kóktaıǵaq bolyp, jel kúsheıedi, ońtústikte - shańdy daýyl, batysta jáne ońtústik-shyǵysta - tuman túsedi.
Aqmola oblysynda burqasyn men kóktaıǵaq bolady, jel qarqyny - 15-20 m/s, soltústikte, shyǵysta ekpini 23-28 m/s jetedi.
Soltústik Qazaqstan oblysynyń basym bóliginde burqasyn, oblystyń soltústiginde, shyǵysynda, ońtústik-shyǵysynda kóktaıǵaq bolady. Jeldiń kúshi - 23-28 m/s.
Qaraǵandy oblysynyń batysynda, soltústiginde, ortalyǵynda burqasyn, kóktaıǵaq bolady. Jel jyldamdyǵy 23-28 m/s jetedi.
Pavlodar oblysynyń batysynda, ońtústiginde kóktaıǵaq bolady, jaıaý burqasyn soǵady. Jel ekpini 23-28 m/s jetedi.
Jambyl oblysynyń soltústiginde jáne taýly aýdandarynda tuman túsedi, ońtústik-batysta, soltústik-shyǵysta, taýly aýdandarda jel qarqyny 23-28 m/s deıin kúsheıedi.
Shyǵys Qazaqstan oblysynyń kúndiz soltústiginde, batysynda jaıaý burqasyn, kóktaıǵaq kútiledi, soltústiginde, batysynda jel 15-20, kúndiz ekpini 25 m/s jetedi.
Aqtóbe oblysynda soltústikte tuman, kóktaıǵaq, jaıaý burqasyn soǵady. Kúndiz oblystyń soltústiginde jel ekpini 23-28 m/s deıin kúsheıedi.
Qostanaı oblysynyń soltústiginde burqasyn, kóktaıǵaq bolady. Jel qarqyny - 25 m/s.
Almaty oblysynda Alakól kólderiniń aýdanynda jeldiń ekpini 23-28 m/s jetedi.
Túrkistan oblysynda soltústikte shańdy daýyl, soltústikte jáne taýly aýdandarda jel 15-20 m/s deıin kúsheıedi.
Mańǵystaý oblysynyń soltústiginde tuman túsedi, kúndiz soltústik-shyǵysynda jel qarqyny15-20 m/s jetedi.
Qyzylorda oblysynyń soltústiginde túnde kóktaıǵaq bolady, jel ekpini - 15-20 m/s.
Atyraý oblysynda jel jyldamdyǵy 15-20 m/s deıin kúsheıedi.
