Jel, kóktaıǵaq, boran: 17 jeltoqsanǵa arnalǵan aýa raıy boljamy
NUR-SULTAN. QazAqparat - «Qazgıdromet» mamandary 17 jeltoqsanda aýa raıy qandaı bolatynyn jarııalady, dep habarlaıdy QazAqparat.
Qazaqstannyń batysynda, soltústik-batysynda, soltústiginde jáne shyǵysynda Soltústik-batys tsıklonynyń áserinen jańbyr men jaýyp, jaıaý burqasyn soǵady.
Respýblıkanyń basqa aýmaqtarynda antıtsıklon óz yqpalyn saqtaıdy, sondyqtan jaýyn-shashyn jaýmaıdy.
Elimizdiń keı jerlerinde jel kúsheıip, tuman túsedi.
Aqmola oblysynyń soltústiginde, ońtústik-shyǵysynda jaıaý burqasyn, kóktaıǵaq, jel qarqyny - 15-20 m/s.
Soltústik Qazaqstan oblysynyń batysynda, ońtústiginde jaıaý burqasyn, tuman, kóktaıǵaq kútilip, jeldiń ekpini 15-20 m/s deıin kúsheıedi.
Pavlodar oblysynyń soltústigi men batysynda jeldiń jyldamdyǵy - 15-20 m/s, jaıaý burqasyn soǵady.
Qostanaı oblysynyń soltústiginde jeldiń kúshi 15-20 m/s jetedi, jaıaý burqasyn kóterilip, ońtústiginde tuman, kóktaıǵaq boljanady.
Shyǵys Qazaqstan oblysynyń soltústik-shyǵysynda jaıaý burqasyn kóteriledi, batysynda jeldiń qarqyny 15-20 m/s jetedi.
Atyraý oblysynyń basym bóliginde, batysynda, Batys Qazaqstan oblysynyń soltústiginde, Aqtóbe oblysynyń batysynda, Mańǵystaý oblysynyń batysynda jáne ońtústik-shyǵysynda, Qyzylorda oblysynyń ońtústiginde, Qaraǵandy oblysynda, Jambyl oblysynyń soltústiginde, taýly jáne taý bókterindegi aýdandarynda, Túristan oblysynyń taýly aýdandarynda, Almaty oblysynyń taý bókterindegi aýdandarynda jáne shyǵysynda tuman túsedi.
Qaraǵandy oblysynyń soltústiginde, shyǵysynda, Almaty oblysynyń Alakól aýdanynda, Jambyl oblysynyń taýly aýdandarynda túnde jel ekpini 15-20 m/s jetedi.
