Jel energetıkasy salasyndaǵy jobalardyń damý perspektıvasyna arnalǵan semınar ótkiziledi

dep habarlaıdy QazAqparat.

Іs-sharalardy uıymdastyrýshylardyń spıkerleri retinde Ýkraına Joǵarǵy Radasy jylý-energetıka kesheni máseleleri boıynsha komıtetiniń hatshylyǵy meńgerýshisiniń orynbasary Aleksandr Matveıchýk jáne Ýkraına jel energetıkalyq qaýymdastyǵynyń tóraǵasy Andreı Konechenkov qatysady.

Álemdik jel energetıkalyq sektory ósý qarqynynyń ortasha kórsetkishi 29%-dan astam boldy, jáne ol jyl saıyn ulǵaıýda. Bul derek jel energetıkalyq salany damytýdyń keleshegin jáne maqsatqa sáıkestiligin rastaıdy. Ýkraına TMD elderi arasynda jel energııasyn paıdalaný salasynda kóshbasshylardyń biri bolyp tabylady. Bul salada jańa tehnologııalardy engizý «jasyl» tarıfterdi paıdalaný, aqparattyq saıasat júrgizý jáne basqa sharalar esebinen yntalandyrylady.

Osyǵan baılanysty semınar taqyryby Qazaqstannyń parnıktik shyǵaryndylardy tómendetý jónindegi mindettemelerin jáne «jasyl» energııa óndirý jónindegi jobalardy iske asyrý múmkindigin nazarǵa alǵanda, óte mańyzdy taqyryp bolyp tabylady.

«Qazaqstan - jel energııasy naryǵyn damytý bastamasy» BUU Damý baǵdarlamasy/ǴEQ jobasy uıymdastyrǵan semınar barysynda tyńdaýshylar normatıvtik-quqyqtyq baza jáne jańartylatyn energııa kózderin paıdalanýdy qoldaýda Ýkraınanyń memlekettik saıasatytýraly aqparat alady. Sondaı-aq jel energııasyn tıimdi paıdalaný jóninde naqty jobalar qarastyrylatyn bolady.

Іs-sharaǵa mınıstrlikter men vedomstvolardyń, ulttyq kompanııalardyń, qaýymdastyqtardyń, ǴZI, bıznes qurylymdardyń jáne sheteldik kompanııalardyń ókilderi qatysady.