Jel ekpini 23 m/s deıin jetedi: TJD astanalyqtarǵa úndeý jasady

ASTANA. KAZINFORM — «Qazgıdromet» RMK derekteri boıynsha 12 jeltoqsanda Astanada ońtústik-batystan 15-20 m/s jel soǵady, túnde jáne tańerteń jeldiń ekpini 23 m/s deıin jetedi dep kútilýde, dep habarlaıdy elorda ákimdiginiń resmı saıty.

Aýa raıynyń nasharlaýyna baılanysty qatty jel kezinde jazataıym oqıǵalardy boldyrmaý úshin Astana TJD mynadaı qaýipsizdik sharalaryn saqtaýdy suraıdy:

— jel kúsheıgen kezde ǵımarattardan shyǵýdy shekteý kerek (múmkindiginshe úı-jaılarda bolyńyz);

— balalardy baqylaýǵa alý jáne olardy qaraýsyz qaldyrmaý;

— eger qatty jel kezinde kóshede bolsańyz, jerasty ótkelderinde nemese dúkenderde panalaýdy usynamyz;

— qatty jelden úılerdiń qabyrǵalaryna jaqyn jerde jasyrynbańyz, óıtkeni shatyrlardan shıfer men basqa da materıaldar qulaýy múmkin;

— eshbir jaǵdaıda qoǵamdyq kólik aıaldamalarynyń, bılbordtardyń, qurylysy aıaqtalmaǵan ǵımarattardyń, aǵashtardyń astynda jasyrynýǵa tyryspańyz;

— elektr jelisiniń astynda turyp, úzilgen elektr symdaryna jaqyndaý óte qaýipti;

— kólikti shirigen jáne eski aǵashtardyń janyna qaldyrmańyz.

Sonymen qatar, qutqarýshylar qatty aıazda ózin qalaı ustaý kerektigi týraly usynystar berdi:

— únemi qozǵalý kerek, bir jerde turýǵa bolmaıdy, ásirese qarǵa nemese sýyq zattarǵa otyrmaý kerek. Bul rette metall men beton tipten qaýipti;

— aıaz kezinde ash júrmeńiz, tamaq ishýge ýaqyt bólińiz. Ystyq sýsyndar quıylǵan termos alyp júrińiz;

— jaman ádetter týraly umytyńyz, alkogoldi ishpeńiz;

— tabany qalyń aıaq kıimdi tańdańyz;

— aıaq-qoldar men deneniń ashyq jerlerin jabyńyz;

— qalyń kıim kıip júrińiz.

Tótenshe jaǵdaı týyndaǵan kezde «101» jáne «112» nómirlerine qońyraý shalyńyz.

Eske salsaq, buǵan deıin Astanada sholý dóńgeleginde kommýnaldyq qyzmetkerlerdiń sýretteri jarııalandy.